"Maf Drag times Vol 2"-т оролцсон сэтгэгдэл
Тэгэхээр өнгөрсөн хугацаанд Evo-доо хэр зэрэг юм хийсэн талаар Mod List-ээ танилцуулсан. Харин гол үр дүнг "Maf Drag times Vol 2" дээр гарч 400 метрийг хэдэн секундэд явахаа үзэх байлаа. Гэвч цаган дээр гарч чадсангүй. Харин GTR35 болон 500 HP setup-тай Tourer V-тэй гарч үзлээ.
GTR35-тай нийт 2 удаа гарсан болно. Үр дүн яг адил. Гараан дээр GTR35-ийн 1р араа хүч багатай, харин Evo бол гараанаас год үсрээл гардаг тул гараан дээр эхний 100-аад метрт ялалт байгуулж байлаа. Тэгээд цаашид бол ойлгомжтой. 3500сс V6 RB38DETT 530 HP хөдөлгүүрийн бярыг 2000сс 4 цилиндр хөдөлгүүрийн чадал илт мэдрэгдэж байлаа. Эхний гараан дээр би араагаа жаахан эрт солиод байх шиг байсан. 2-3 машины зайтай барианд орчих шиг болсон. 2 дахь гараан дээр жаахан шунаад нэлээд оройтож араа сольсон. Мөн адил 2-3 машины зайтай барианд орсон.
500 HP setup-тай Tourer V-тэй гарсан. Гараан дээр ч бариан дээр ч түрүүлж орсон. Эхлээд гараанаас шидэж гарсан, дараа нь роллдож үзсэн. Ялгаагүй байсан. Tourer V-ийн хүч хэт ихдэсэн үү яасан дугуй нь хий эргээд байхын байна лээ.
Дүгнэлт:
1. Хийх хэрэгтэй байсан зүйлсээс дутуу үлдсэн зүйл болох бензин насосыг томсгож солиод Ecu дээр оролдох ёстой байжээ гэж бодлоо. Учир нь аль алинтай нь гишгэхэд boost 1.3 bar-аас дээш хүлээж авахгүй байсан. Яах аргагүй ecu оролдох байсан.
2. Хийсэн зүйлсийн үр дүн гарчээ гэж бодож байна. GTR35-тай 2-3хан машины зайтай орно гэдэг хангалттай амжилт шүү. 2000 сс мотор шүү дээ. R33-тай нь гишгэсэн бол юу ч болох байсан юм билээ.
3. Stock 2.0 хөдөлгүүрийн tuning-ийг гүйцэт хийсэн тохиолдолд stock GTR35-тай чи юу би юу гэх л юм байна. Энэ том амжилт биш гэж үү? Энэ чинь тоноглоод тоноглоод дөнгөж 25хан сая төгрөгийн үнэлгээтэй машин. Гэтэл GTR35 бол хамгийн хямд нь 110.000.000 төгрөгийн үнэлгээтэй мангас шүү дээ.
Би сэтгэл хангалуун байгаа :ymhug:
https://www.facebook.com/photo.php?v=66 ... ideo_reply
