За өөрийнхөө олж мэдсэн болон бусад гадны форум-аас уншсан зүйлээ базаад нэг бичье. Сүүлийн үед манай оронд олон төрлийн очлуурууд худалдаанд нэмэгдсээр байгаа ба энэ нь тухайн худалдагч болон хэрэглэгч энэ талын мэдлэггүйгээс бол төөрөгдөх, эдийн засаг болон техникийн хувьд хохирохд хүргэж байна. Мөн platinum, iridium зэрэг очлуурыг буруу сонгосоноос болж энэ талын дэвшилтэт технологийн талаарх сөрөг,буруу хандлагатай болж байна. Жишээ нь гэхэд дөн өвлийн хүйтнээр шинэхэн тавьсан үнэтэй очлуур нь хөдөлгүүрийн асалтыг эрс муутгасан, мөн халуун зунаар түлш зарцуулалт өссөнөөс болж энэ талын дэвшилтэт технологийн талаарх сөрөг,буруу хандлагатай болсон байна. Тиймээс очлуурын талаарх мэддэг зүйлсээ бичлээ.
Очлуурыг хэдэн км яваад солих бэ?
Очлуурыг солихдоо өөрийн машины онцлог болон зам, цаг агаарын нөхцөл, бензиний чанар байдлаас шалтгаалж доорх заалтаас өөрөөр сольж болно
Үүнд:
Энгийн очлуур 6000-10,000км
Platinum 40,000 км
Iridium 60,000 км .
Халалтын зэрэг гэж юу бэ? Заавал халалтын зэрэг өндөртэйг авах хэрэгтэй юу?
Хэрэв таны машин үйлдвэрээсээ гарсан тоноглолуудтайгаа, эсвэл бусадтай адил энгийн хөдөлгүүртэй бол таньд халалтын зэрэг өндөртэй очлуур хэрэггүй гэж хэлмээр байна. Үүний оронд үйлдвэрээс тухайн машинд тавихыг зөвлөсөн очлуурыг сонгосон нь машины тань бензин зарцуулалт болон эдэлгээнд сөргөөр нөлөөлөхгүй болно. Харин тухайн машин нэмэлт тоноглол, өндөр бүүст-тэй тохиолдолд тухайн хөдөлгүүрийн шатах камерт илүү их дулаан ялгарах тул энэ нь энгийн очлууртай үед хүч алдах, тог алдалт зэрэг асуудлууд үүдэх тул энэ тохиолдолд халалтын зэрэг өндөртэй очлуур тавьсан нь үр дүнтэй.
Монголд түгээмэл байдаг NGK; Denso-ийн халалтын зэрэгийн хүснэгтийг оруулалаа
NGK& Denso
5 16
6 20
7 22
8 24
9 27
10 31
Iridium очлуурууд үнэтэй байдаг бусад очлуураас юугаарaа илүү бэ?
Энэ төрлийн очлуур нь маш сайн чанарын тог дамжуулах чадвартай үнэт металийг агуулсан нь энэ төрлийн очлуурын үнийг өсгөхөд хүргэдэг. Iridium очлуурны гол давуу тал нь тог дамжуулах электродны үзүүрийн диаметр нь 0.6мм эсвэл 0.4мм(Энгийн очлуур 2.0мм диаметртэй байдаг) байдаг ба энэ электродноос гарч буй тогыг нэг цэгт төвлөрүүлэх үүрэгтэй байдаг. Мөн эдгээр очлуурууд нь энгийн болон бусад төрлийн очлууруудтай харьцуулхад тог дамжуулалт сайн байхын зэрэгцээ үнэт металийн орц нь тухайн очлуурыг илүү олон мянган км ажиллах жишээ нь 60,000 км зарим машин дээр 100,000 км ажиллах боломжыг бүрдүүлдэг. Энэ нь гэхдээ манай орны хатуу ширүүн цаг агаар болон бензиний чанар, агаарын даралтаас шалтгаалж заасан км-тээ найдвартай ажиллаж чадахгүй болов уу тэр тусамаа спорт турботой машины хувьд бол 10,000-15,000 км харин энгийн машинд 30,000 км асуудалгүй ажиллах байх.
Манайд түгээмэл байдаг Denso-ийн BCPR*ES (3330) болон NGK BKR*E (6097) -ийн аль зүгээр бэ?
Үндсэндээ энэ 2 очлуур бол нэг нь Pepsi нөгөө нь Coca cola гэсэн үг өөр өөрсдийн давуу тал болон сул талуудтай. Үүнд: Эдгээр очлуурууд 2 уулаа зэс голтой хэдий ч NGK нь V-groove буюу электроды үзүүр нь бага зэрэг салаа хэлбэртэй бол Denso-ийн үзүүр нь хавтгай байдаг. Мөн NGK -ийн катушка болон свечаны утас дээр суудаг хэсэг нь ISO хэмжээний дагуу байдаг бол Denso-ийн очлуур үүнээс бага зэрэг том байдаг. Тиймээс катушка болон свечаны утас бага зэрэг сунасан, холхиносон тохиолдолд Denso-г тавьсанаар түр хугацаанд тог алдалтыг аргалж болно. Харин халалтын зэрэг өндөртэй очлуурын хувьд Denso нь NGK-г бодвол өндөр бүүст болон өндөр хүчдэл дээр шаазангаа хагалах, цуурах зэрэг асуудлууд гарж байхыг гадны форум дээрх мэргэжилтэнүүдийн блогуудаас хэдэнтээ уншиж байсан. Харин NGK-ийн хувьд бол тийм асуудал маш цөөн гардаг учир гадны дрифтер болон драг-чид NGK-ийн халалтын зэрэг өндөртэй очлуурыг илүүтэйгээр сонгодог.
Platinum очлуур ямар вэ?
Энэ нь энгийн зэс голтой очлуурны электродны гадуур цагаан алтан түрхэцээрээ ялгаатай. Ингэсгээр илүү сайн тог дамжуулах чадвартай болдог гэж үздэг. Онолын хувьд байж болох л байх гэвч практик дээр тэр ялгаа мэдэгдэнэ гэдэгт нээх итгэхгүй л байна.
Электрод болон оч хаягчын хоорондын зай?
Очлуурны электрод буюу гол болон тог хаягч буюу тэр жижиг сэртгэрийн хоорон дахь зай чухал үүрэгтэй. Монголоор орчуулах гэж жоохон төвөгтэй байна Ангилаар бол Gap plug гэдэг. Энэ зай нь ихэнхдээ 0.8-1.1мм байдаг ба энэ нь хол байх тусам өндөр бүүст эсвэл шатах камер доторх өндөр даралтанд хангалтай тог хаяхгүйн улмаас тог алдалт үүсгэдэг бас үүнийг манайхан re-gap буюу хоорондын зайг гар аргаар ойртуулж түрдээ энэ асуудлыг шийддэгч ингэж ойртуулсанаар электрод дээр илүү их халалт үүдэг ба ингэсгээр электродны чанар амар мууддаг. Харин Iridium очлуурны хувьд ингэж өөрчилбөл нөгөө нуухыг нь авах гээд нүдийг нь авав гэгчээр хамаг үнэтэй метал нь хэнд ч хэрэггүй хог болно.
Ямар очлуур хамгийн сайн бэ?
Ер нь бол тухайн хөдөлгүүрт үйлдвэрээс заасан очлуур л хийсэн нь хал палгүй. Харин тоноглосон эсвэл турбо(өндөр бүүст)-тэй бол үйлдвэрээс зааснаас халалтын зэрэг өндөртэйг тавьсам нь үр дүнтэй. Харин үнэтэй Iridium очлуур нь манай орны өвлийн хэт хүйтэнд хөдөлгүүрийг хүчиндэж асаах үед электродны диаметр жижигээс болж амахран норох хандлагатай байдаг. Гэвч зун, хавар намарын цагт бол асуудалгүй сайн ажиллана.
HKS, TRD, Blitz, GReddy зэрэг очлуурууд хэр бэ?
Эдгээр очлуурууд нь маш өндөр хэмжээний tuning буюу Stage3-аас дээш хөдөлгүүрт эсвэл энгийнээс өндөр хүчдэл гаргадаг катушкатай үед л хэрэглэнэ. Бусдаар манайх шиг Stage2-тоо дөнгөж хүрэх гэж байгаа хөдөлгүүрүүдэд ширхэг нь 40,000-60,000-ийн үнэтэй очлуур тавьлаа гээд юу ч мэдэгдэхгүй. Түүний оронд өөрийн хөдөлгүүрт тохирох халалтын зэрэг өндөртэй очлуураа л тавьсан нь 1-т үнэ хямд 2-т үр дүнтэй.
Бусад төрлийн Bosch, Champion зэрэг очлуурууд хэр бэ?
Миний бие байнга л NGK; Denso ярьсаныг анзаарсан байх. Арга ч үгүй биз нийт авто машины 70- 80%-т эдгээр 2 төрлийн очлуурыг үйлдвэрээс тавихийг зөвлөсөн болхоор тэр биз. Тэгчлээч эдгээр үнэ хямд найдвартай очлуурууд байхад заавал үнэтэй худлаа үнэн нь мэдэгдэхгүй Bosh, Champion авах хэрэг юу байна? Худлаа үнэн гэдэг нь Bosch-ийн очлуурууд бол дотроо толгой эргэм олон төрөлтэй байдаг ч эдгээрийн ялгаа нь энгийн нэгэн хэрэглэгчидэд мэдэгдэх нь юу л бол.
