Өнгөрсөн хагас сайны орой 9:30 болж байхад нэг найзындаа яг сайхан ФИФА-даад сууж байтал
утас дуугарав. Гүнбат байна. Утсаа авлаа.
-Байна уу?
-Байна байна за юу байна?
-Тайван даа. Хахаха /Шаварт зоогдсон хүний инээдээр инээв/
-Яасан сууцнуу? Хаана суучив?
-Суусаан. Лагерт, Баянбулгийн энэ хавьд суучлаа. Чи юу ч гэсэн хүрээд ирэх үү?
-За тэгье даа. Дүүд дүүд дүүд
Гүнбатаар зам дээр тосуулж, суулгаж аваад машин руу нь явлаа. Гүнбат хэлжийна.
За наагуур чинь эвгүй шавартай шүү. Машин руу яг орохын наана бүр аймар шавартай.
Энэ үгээ хэд хэд хэлэв. Би яваад л байлаа. Нөгөө айхтар шавар нь тааралдахгүй явсаар
байгаад машин нь харагдлаа. Гүнбат хэлжийна.
-За наад харагдаж байгаа хашааныхаа наад талаар шахаад ороорой.
Би ч хашааных нь наагуур хашаанд шахаад л орж явчихав.
-Бишээ хашааных нь цаагуур наашаа шахаж орношдээ
-За гайгүй байлгүй. Нөгөө айхтар шавар чинь хаа байна аа?
-Сая өнгөрцөншдээ.
-Өө чи тиймхэн шаврыг аймар гээд байсымуу?
-Хаха чиний дугуй ч аймар юм байна оо.
Яг энэ үед урд ус тогтцон хонхор урд тулж ирээд би 4 хүн суулгацан болохоор доогуураа
цохичихгүйг бодож бага зэрэг тормостой зөөллөөд ортол пүл гээл орж явчихаад эргэж гараагүйм даа хөөрхий.
За данхраадаж дугуйг нь хөндийрүүлж байгаад дугуйн доор нь юм хийгээд гаргачихъя, хөнгөн машин юухэн байхав
гээд л ханцуй шамлаад орлоо. Урд дугуйны хойгуур ухаж данхраад орох зайтай болгож байгаад данхраадан доор
томхон чулуу ивээд өргөв. Өргөх биш шигдээд л байхым байна. Ийм байдлаар ивээсний чулуу өндрөөрөө бараг метр
болж байгаа байх гэхийн алдад машин бага багаар хөндийрөхөөр нь хашааны нарийхан моднуудаас доор нь хийж
байгаад хөдлөж үзэхэд холхихчгүй байна. Нөгөө талын урд дугуйг эхний маягаар өргөх гэж оролдож байх 40 дэх минутад
гэдэс өлсөх, ам цангах, ядрах түвшин улаандаа ороод байв. Гүнбат ч биеийнх нь болон хувцасных нь см2 тутам дах шавран
давхрагын зузаан хэрээс хэтэрч, тавхай өвдөгнөөс доошхи хэсэг нь нялцгай шавраар өнгөлөн далдалснаас болоод
байгаа үгүй нь мэдэгдэхээ байчихаад байсан юм.
За болье өглөө эрт гаргаж авъя гээд Жигжидэд орхисон Гүнбатын приус рүү алхахаар болов. Зам дээр гараад иртэл нэг ЛЛ Бийн
яг тааралддаг байгаа. Гараа өргөөд жигжид хүргээд өгчих гэтэл тийшээ очихгүй, хуурай мухар орно гэхээр нь тэгвэл энэ хойхно
сууцан байгаа нэг машиныг татаад өгөөч гэсэн чинь өө тэгье л гэж байна. Гүнбатын найзуудыг машин руу нь явуулчихаад бид 2
ЛЛ Бийнд суугаад зоогдсон машинууд руугаа явбаа хөөрхий. Очоод троссуудаа залгаад, яг татдагийн даваан дээр өнөөх ЛЛ Бийн
маань нэг ховил руу гулгаж ороод ахиж тэр байрнаасаа хөдлөөгүй юм гэдээг. Мань жолооч өглөө эрт ажилтай машинаа гаргахгүй
бол болохгүй гээд миний усны гутлыг өмсөж байгаад янз янзаар үзсэн дээ хөөрхий. Эцэст нь хотод нэг 4x4 X-Trail байгаа. Тэрийг
авчирч татъя гээд хаа холоос очиж авчраад шаврын үзүүрт зоосон юм гэнэ лээ.
7 цаг болж байхад X Trail-ээ амжилттай зоож дуусаад байж байтал шөнө утсаа авахгүй нам унтсан найзууд маань эхнээсээ
залгаж эхлэв. Тэднээс 80-тай, SF5-тай 2 найз маань ирэхээр болж 4 машин бат сайхан зоож амжилтаа ахиулсан мань 3 унтлагын
горимд шилжив.
Энэ зурагнаас урьд шөнө энд ямар тэмцэл болж өнгөрсөн нь тодхон харагдана.
Гүнбатын мангас чулак тулаад л BYE BYE
Хөөрхий минь касчер дээрээ хэвтээд амарч байгаан.
Хээг дүүргэв
Sf5, 80 хоёр маань 10 цагийн үед ар араасаа хүрч ирэхдээ ***, ус, ундаа авчирч өлсөж үхэхийн аюулаас авраад сугалах
ажилдаа ханцуй шамлан орсон боловч 80 маань Х Trail-г татаж гаргаж ирээд цаашлахдаа оронд нь орж суугаад X Trail-ээрээ
буцааж татуулж дайрч давшилж байж цаашлав. ЛЛ Бийнийг хойноос нь, Исүзү МЮ-г урдаас нь дараа дараагаар маш амжилттай
эзэмдсэн боловч хамгийн хол, хамгийн хэцүү газар очиж хамгийн найдвартайгаар суусан миний машиныг эзэмдэж чадалгүй
өөрөө цөмрөх аюулаас болоод гацсан юм. Sf5-р татсаараан байгаад 2 цагийн үед гаргаж ирснээр манай энэ удаагийн драма
өндөрлөв.
uuhain tas davhiad l ochii shdee :ymhug: